- २४ आश्विन २०८३, शनिबार / Oct 10, 2026
रौतहट । रौतहट प्रहरीले एक जनालाई नियन्त्रणमा लिएको छ । मिटर ब्याज पीडितसँग पैसा उठाएको आरोपमा प्रहरीले पक्राउ गरेको हो । आरोपीले सीडीओ र अन्य कर्मचारीलाई दिनुपर्छ भन्दै पीडितसँग ५० हजार रुपैयाँ माग गरेको थिए ।
पैसा लिइरहेको सूचनाको आधारमा नियन्त्रणमा लिएर अनुसन्धान गरी पीडितको पैसा फिर्ता गराएर आरोपी माथि ठगी सम्बन्धी कसुर अन्तर्गत मुद्दा दर्ता गरिएको गिरीएको छ ।
मिटरब्याज पीडितलाई जिल्ला प्रशासन कार्यालयमा मुद्दा दर्ता गराइदिन्छु भन्दै सो बापत ५० हजार लिइरहेकै अवस्थामा जिल्ला प्रहरी कार्यालयबाट खटिएको प्रहरी टोलीले उनलाई नियन्त्रणमा लिएको प्रहरीले जनाएको छ ।
पक्राउ पर्नेमा देवाही गोनाही नगरपालिका ७ घर भएका भरोसी साह रहेका छन्। उनलाई पीडित संग पैसा लिइरहेकै अवस्थामा नियन्त्रणमा लिएको जिल्ला प्रहरी कार्यालय रौतहटले जनाएको छ ।
