- ३० चैत्र २०८२, सोमबार / Apr 13, 2026
लहान–१६ आरिदमार टोलमा जङ्गली हात्तीको आतंक
आधा दर्जन घरमा क्षति
अन्नपात र तरकारी बाली नष्ट
चुरे क्षेत्रको जङ्गलबाट बस्तीमा हात्ती प्रवेश
स्थानीय बासिन्दा त्रसित
हात्तीहरू नजिकैको झाडी क्षेत्रमा बसिरहेको अवस्था
प्रहरी, सशस्त्र प्रहरी र वन कार्यालयको निगरानी
सिरहा, २१ पुष । सिरहाको लहान नगरपालिका–१६ आरिदमार टोलमा शुक्रबार राति जङ्गली हात्तीको समूह गाउँमा पसेर आतङ्क मच्चाउँदा आधा दर्जन घरमा क्षति पुगेको छ ।
चुरे क्षेत्रको जङ्गलबाट बस्तीमा पसेका हात्तीहरूले घर भत्काउनुका साथै भण्डारण गरिएको अन्नपात र करेसाबारीमा लगाइएको तरकारी बाली नष्ट गरेका छन् ।
वडाध्यक्ष गडुलबहादुर जर्घा मगरका अनुसार हात्तीको समूहले भूपाल नाम्जेली मगर, जालबहादुर थापा मगर, भक्तबहादुर मगर, रामबहादुर थापा मगर, गोपाल थापा मगर र हरिबहादुर थापा मगरको घरमा क्षति पुर्याएको छ ।
हात्तीले घरसँगै अन्नपात तथा तरकारी बालीमा ठूलो क्षति पुर्याएको जानकारी दिँदै उहाँले घटनापछि स्थानीयवासी त्रसित बनेको बताउनुभयो । स्थानीय हरीबहादुर मगरका अनुसार हात्ती गाउँ पसेपछि बासिन्दा रातभर त्रासमा बिताउन बाध्य भए ।
वडाध्यक्ष मगरका अनुसार बस्तीमा क्षति पुर्याएपछि हात्तीहरू दिनभर नजिकैको झाडी क्षेत्रमा बसिरहेका छन् । हात्ती धपाउन तथा थप क्षति हुन नदिन नेपाल प्रहरी, सशस्त्र प्रहरी र डिभिजन वन कार्यालय लहानको संयुक्त टोलीले निगरानी गरिरहेको छ ।
