४ लाख घुससहित लगनखेलबाट दुई जना पक्राउ

काठमाडौं । सेवाग्राहीबाट घुस लिएको भन्दै ललितपुरको लगनखेलबाट दुई जना पक्राउ परेका छन् । घुस लिइसकेको अवस्थामा ललितपुर महानगरपालिका–१२ हनुमानस्थानमा रहेको आरबी सेन्टरबाट बिहीबार नियन्त्रणमा लिइएको अख्तियारले जनाएको छ ।

पक्राउ पर्नेमा नापी कार्यालय लगनखेल, ललितपुरका सर्भेक्षक संजिवकुमार यादव र आरबी लेखापढी सेन्टरका संचालक रामबाबु भुजेल ४ लाख घुससहित पक्राउ परेका हुन ।

जग्गा हालसाविक गरी पुर्जा उपलब्ध गराइदिने प्रयोजनका लागि सेवाग्राहीबाट घुस लिएको अख्तियारले जनाएको छ ।