- २५ असार २०८३, बिहीबार / Jul 9, 2026
यमनमा साउदी समर्थित सेनाको आक्रमणमा ८० दक्षिणी सैनिकको मृत्यु
१५२ जना घाइते, १३० जना बन्धक
आक्रमण दक्षिणी संक्रमणकालीन परिषद (एसटिसी) विरुद्ध भएको
साउदी सेनाले कब्जा भएको भू-भाग फिर्ता लिन अभियान सुरु गरेको
रियाद र अबु धाबी बीच प्रभुत्वको संघर्षले खाडी सहयोगीमा दरार गहिरो
एजेन्सी, २१ पुष । यमनको पृथकतावादी दक्षिणी संक्रमणकालीन परिषद (एसटिसी)का करिब ८० जना सैनिक साउदी अरबको सहयोगप्राप्त सेनाको आक्रमणमा परी मृत्यु भएका छन्।
एसटिसी बलका एक सैन्य अधिकारीका अनुसार गत शुक्रबारदेखि सुरु भएको लडाइँमा ८० सैनिक मारिएका छन् भने १ सय ५२ जना घाइते भएका छन्। यसै क्रममा १ सय ३० जना सैनिक बन्धक बनाइएको छ।
साउदी समर्थित सेनाले युएई समर्थित एसटिसीले कब्जा गरेको भू-भाग फिर्ता लिन अभियान सुरु गरेको थियो। रियाद र अबु धाबीको समर्थन प्राप्त यी दुई सेनाबीच प्रभुत्वको लागि संघर्षले दुई खाडी सहयोगीहरूबीचको दरार गहिरो बनाएको छ।
