अमेजन र एप्पल कम्पनीलाई २० करोड जरिबाना

काठमाण्डौं । इटालीमा अमेजन र एप्पल कम्पनीलाई २० करोड यूरो जरिबाना गरिएको छ । अमेरिकी प्रविधि कम्पनी अमेजन र एप्पललाई बजार अनुगमनकारी संस्थाले २० करोड यूरो जरिबाना गरेको हो ।

एप्पललाई अनियमितता गरेको आरोपमा १३ करोड ४५ लाख यूरो र अमेजनलाई ६ करोड ८७ लाख यूरो तिर्ने निर्देशन दिएको हो । एएफपीका अनुसार एप्पल र बिट्स उत्पादनको आधिकारिक र अनौपचारिक बिक्रेतालाई तत्कालका लागि अमेजन मार्फत् काम गर्न पनि रोकिएको छ ।

ती उत्पादनको बिक्रीलाई एकपक्षीय रुपमा इटालीको बजारमा अनुमति दिएको आरोप समेत लागेको जनाइएको छ ।