- १० कार्तिक २०८३, मंगलवार / Oct 27, 2026
काठमाडौं । वैशाख ३० गते सम्पन्न स्थानीय निर्वाचनमा हालसम्म २० वटा ठाउँको अन्तिम परिणाम सार्वजनिक भएको छ ।
मत गणना सकिएका २० वटा पालिकामध्ये ८ प्रमुख तथा अध्यक्षमा नेकपा एमाले, ७ प्रमुख तथा अध्यक्षमा नेपाली कांग्रेस, ३ प्रमुख तथा अध्यक्षमा नेकपा (माओवादी केन्द्र) र २ प्रमुख तथा अध्यक्षमा नेकपा (एकीकृत समाजवादी)का उम्मेदवार विजयी भएको निर्वाचन आयोगले जनाएको छ ।
हाल मतगणना भएका स्थानहरुमध्ये पालिका अध्यक्ष तथा प्रमुखमा २६६ स्थानमा नेपाली कांग्रेस, १८३ स्थानमा नेकपा एमाले, १०९ स्थानमा माओवादी केन्द्र, १२ स्थानमा एकीकृत समाजवादी, २६ स्थानमा जनता समाजवादी पार्टी नेपाल, ६ स्थानमा लोकतान्त्रिक समाजवादी पार्टी, नेपाल र २७ स्थानमा पार्टी तथा स्वतन्त्र उम्मेदवारको अग्रता रहेको छ ।
यता उपप्रमुख र उपाध्यक्षको मतगणना सकिएका २० स्थानमध्ये ८ वटामा नेपाली कांग्रेस, ७ स्थानमा नेकपा एमाले, २ स्थानमा माओवादी केन्द्र, २ स्थानमा एकीकृत समाजवादी र एक स्थानमा अन्य उम्मेदवार विजयी भएको निर्वाचन आयोगले जनाएको छ ।
