- ६ असार २०८३, शनिबार / Jun 20, 2026
काठमाडौँ । नेकपा एमालेको आज संसदीय दल र केन्द्रीय कमिटी बैठक बस्दैछ ।
बालुवाटारमा बिहान साढे १० बजे डाकिएको संसदीय दलको बैठक सकिएलगत्तै केन्द्रीय कमिटी बैठक पनि शुरू हुने एमालेले जनाएको छ । बैठकमा पार्टीभित्रको विवाद तथा प्रतिनिधिसभा बैठकमा एमाले सांसदहरूले निर्वाह गर्ने भूमिकाको बारेमा छलफल हुने एक नेताले बताए ।
बैठकको सूचना सबैलाई पठाइएकाले बैठकमा सहभागी नहुने सदस्यलाई कारबाहीको चेतावनी दिँदै आएका अध्यक्ष ओलीले कुनै कदम चाल्ने आकलन गरिएको छ । आजको बैठकमा सहभागी नहुँदा संस्थापन पक्षले चाल्ने कदमपछि थप रणनीति बनाउने खनाल–नेपाल पक्षको तयारी थालेको वताइएको छ ।
नेपाल समूहले भने सर्वोच्चको फैसलाअनुसार २ जेठ २०७५ को सांगठनिक संरचनामा फर्किनुपर्ने अडान राख्दै शुक्रबार बानेश्वरमा बसेको नेपाल पक्षका स्थायी कमिटी सदस्यहरूको बैठकले ओलीले बालुवाटारमा बोलाएको बैठकमा सहभागी नहुने निर्णय गरेको छ ।
