कतारबाट आउने नेपालीको सूची, चार वटा जहाज आउने

३१ जेठ २०७७ शनिबार काठमाण्डौ । कतारमा रहेका नेपाली स्वदेश फर्कन चाहनेकाे सूची सार्वजनिक भएको छ । प्राथमिकतामा परेका र कम्पनीहरुले नै नेपालीको स्वदेश फिर्तीका लागि विवरण टिपाएका गरी ६ हजार ७७ जनाको विवरण दूतावासले सार्वजनिक गरेको हो ।

समस्यामा परेका ५ हजार १ सय १२ जना छन् भने ९६५ जनाको स्वदेश फिर्तीका लागि कम्पनीले नै दूतावासमा विवरण टपाएकाे छ । फर्काइदिने नेपालीको कम्पनीले नै टिकटको व्यवस्था गरिदिने र कम्पनीले टिकट नदिएमा नेपाली आफैले टिकट लिनुपर्ने जनाएकाे छ ।

समस्यामा परेका नेपालीको स्वदेश फिर्तीका लागि पहिलो चरणमा ४ वटा उडान हुनेछन् । तर दूतावासले अहिले सार्वजनिक गरेको सूचीअनुसार पहिलो चरणमा सबै नेपाली फर्कन पाउने छैनन् । दूतावासले पहिलो चरणमा प्राथमिकतामा परेका नेपालीको सूची फेरि सार्वजनिक गर्ने या व्यक्तिगत रुपमै सम्पर्क गरेर जानकारी गराउने जनाएको छ ।