- १८ असार २०८३, बिहीबार / Jul 2, 2026
सुर्खेत । एमालेको कर्णाली प्रदेश अधिवेशनमा शनिबारका लागि निर्धारित मतदान कार्यक्रम आजलाई सारिएको छ । सहमतिका लागि दिनभर प्रयास गर्दा सफल नभएपछि मतदान गर्ने तयारी गरिएको छ ।
सुरक्षाको कारण देखाउँदै आज बिहानका लागि मतदान सारिएको एमाले नेता विष्णु रिजालले बताए । दिउँसो २ बजेसम्म सुर्खेतको सिटी हलमा मतदान हुने कार्यतालिका तय गरिएको छ ।
एमाले कर्णाली प्रदेश अध्यक्षका लागि तीन, उपाध्यक्षका लागि तीन, सचिवमा दुई, उपसचिवमा तीन जनाबीच प्रतिस्पर्धा हुँदैछ ।
प्रदेश अध्यक्षका लागि सल्यानका गुलाबजंग शाह, कालीकोटका मीनबहादुर शाही र कालीकोटकै प्रकाश रोकायाले उम्मेदवारी दिएका छन् । गुलाबजंग र मीनबहादुर प्यानल नै बनाएर चुनावमा भिड्दै छन् ।
अध्यक्षमा उम्मेदवारी दिएका दैलेखका राजबहादुर शाहीले र कालीकोटका प्रेमबहादुर सिंहले लाचार भएर उम्मेदवारी फिर्ता लिएका छन् ।
