- १ श्रावण २०८३, शुक्रबार / Jul 17, 2026
काठमाण्डौ । माइतीघर मण्डलामा हजारौँ शिक्षकहरु भेला भएर तेस्रो दिन पनि आन्दोलन जारी राखेका छन् । तेस्रो दिन शिक्षकहरुको आन्दोलनका कारण काठमाण्डौ उपत्यकाको ट्राफिक व्यवस्थापन अस्तव्यस्त भएको छ । नेपाल शिक्षक महासङ्घको नेतृत्वमा देशभरका शिक्षकहरु आन्दोलनमा आएका छन् ।
माइतीघर मण्डला र नयाँ बानेश्वर रुट हुँदै चल्ने गाडीलाई विभिन्न ठाउँबाट डाइभर्सन गरिएको छ । महानगरीय ट्राफिक प्रहरी महाशाखाका अनुसार चक्रपथ, गौशाला, तीनकुने, सातदोबाटो, बल्खु, कलङ्की, भद्रकाली लगायत ठाउँबाट गाडी डाइभर्सन गरिएको छ ।
विद्यालय शिक्षा विधेयकमा असन्तुष्टि जनाउँदै बुधवारदेखि शिक्षकहरु आन्दोलनमा भएकाले देशका धेरैजसो सामुदायिक विद्यालय बन्द भएका छन् ।
