- ११ बैशाख २०८३, शुक्रबार / Apr 24, 2026
रुपन्देही । ओमसतिया–५ पट्खौलीका किसान आक्रोषित भएका छन् । मल नपाएपछि अहिले आक्राषित भएका हुन । खेतमा झार गोडिसकेपछि खेतमा युरिया मल राख्नुपर्ने भएकाले रासायनिक मल उपलब्ध गराउने जिम्मा पाएको कृषि सामग्री केन्द्रको प्रादेशिक डिपो भैरहवामा एक बोरा पनि युरिया मल उपलब्ध नगराएको उनीहरुको गुनासो छ ।
उक्त डिपोमा मल नै नभएपछि कसरी किसानलाई उपलब्ध गराउनु ? धान रोपेको दुई महिना पुग्न लाग्दा पनि सरकारी निकायबाट मल नपाएपछि रुपन्देहीसहित तराईका किसानले भारतबाट लुकिछिपी ल्याइएको मल महंगोमा किनेर प्रयोग गर्न बाध्य भएका छन् । कृषि सामग्री केन्द्रले मागअनुसार मल कहिल्यै उपलब्ध नगराउदा किसानले भारतबाट विभिन्न माध्यम प्रयोगगरी आएको मल किनेर प्रयोग गर्ने गर्थे ।
तर कोरोना महामारीका कारण लकडाउन र निषेधाज्ञा जारी भएकाले विगतको उपाए पनि काम लागेन । छिटफुट रुपमा आएको मल पनि प्रहरीले गाउँ–गाउँ पुगेर नियन्त्रणमा लिएकोले उनीहरुको आक्रोष झन बढेर गएको छ । प्रहरीले ‘घुस’ नपाएका कारण किसानले किनेर ल्याएको मल खोसेर अमानवीय काम गरेको किसानको आरोप छ ।
धानमा मल राख्न ढिला भइसक्यो, सरकारले न आफूले मल उपलब्ध गराउंँछ, न किसानले आफैं जोहो गरेको मल राख्न दिन्छ ।’ भन्दै किसानले कृर्षिमन्त्रीले राजीनामा दिनु पर्ने माग राखेका छन् । कृषिमन्त्रीलाई कारबाही गर भन्दै नारा समेत लगाएका छन् ।
