गाँजा खेतीको अध्ययन गर्ने घोषणा हुँदा संसदमा तालि, ‘उत्पादन साथमा, अनुदान हातमा’ कार्यक्रम घोषणा

काठमाडौं । औषधीजन्य प्रयोग गर्नको लागि सरकारले गाँजा खेतीको अध्ययन गर्ने घोषणा गरेको छ । आगामी आर्थिक वर्षको बजेट वक्तव्य प्रस्तुत गर्दे अर्थमन्त्री डा.प्रकाशशरण महतले उक्त घोषणा गरेका हुन । गाँजा खेतीको अध्ययनको विषयमा लामो समयदेखि बहस हुँदै आएपनि अध्ययन गर्ने विषयमा भने सरकार बल्ल घोषणा गरेको हो ।

प्रतिनिधि सभा र राष्ट्रिय सभाको संयुक्त वैठकमा प्रस्तुत भएको बक्तव्यमा गाँजा खेतीको अध्ययनबारे घोषणा गर्दा संसदमा तालीले गुञ्जायमान भएको थियो । कृषकहरूका लागि ‘उत्पादन साथमा, अनुदान हातमा’ कार्यक्रम सरकारले घोषणा गरेको छ । बीऊ खरिद, रासायनिक मल, बीमा र यान्त्रिकीकरणमा दिइँदै आएको अनुदान बाहेकका बाँकी सबै प्रकारका कृषि अनुदानलाई उत्पादनमा आधारित बनाइने अर्थमन्त्री महतले बताए ।

कृषि क्षेत्रको विकासका लागि किसानलाई उत्पादनमा प्रोत्साहन दिन उक्त कार्यक्रम ल्याइएको बताउँदै अर्थमन्त्री डा.प्रकाशशरण महतले ‘उत्पादन साथमा, अनुदान हातमा’ भन्ने नाराका साथ कृषि अनुदानलाई उत्पादनमा आधारित बनाइने बताए।