घरको गेटमा किचेर एक बालिकाको मृत्यु

३१ साउन २०७७ झापा । घरको गेटले किचेर झापामा एक बालिकाको मृत्यु भएको छ ।एक बालिक गम्भीर घाइते भएकी छिन् ।

बिर्तामोड नगरपालिका – १ देवी पञ्चकन्यामा निर्मला चौहानको निर्माणाधीन घरको गेटले किच्दा सोही ठाउँ निवासी ८ वर्षीया वालिका एन्जल सुनुवारको मृत्यु भएको छ भने उनकी ११ वर्षीया दिदी एलुन सुनुवार गम्भीर घाइते भएको इलाका प्रहरी कार्यालय अनारमनीका प्रहरी नायव उपरीक्षक मुकुन्द रिजालले बताए ।

घाइतेको बिर्तामोडस्थित पूर्ण टुङ्ग बिर्तासिटी हस्पिटलमा उपचार भइरहेको छ । शुक्रवार खेल्ने क्रममा सुनुवार दिदी वहिनीलाई निर्माणाधीन घरको गेट ढलेर किचेको थियो । गेटले किचेर गम्भीर घाइते भएका दिदी वहिनी मध्ये वहिनी एन्जल सुनुवारको आज मृत्यु भएको प्रहरीले बताएको छ ।