घिसिङले दिए दवाव, विद्युत सेवा सुचारू

काठमाडौं । चितवनको भरतपुर क्षेत्रमा विद्युत आपूर्ति सुरु भएको छ । सबस्टेसनमा समस्या आउँदा भरतपुर क्षेत्रमा मंगलबार दिउँसोदेखि विद्युत आपूर्ति बन्द रहेको थियो ।

तुरुन्त विद्युत आपूर्ति सूचारु गर्न प्राधिकरणले दवाव दिएपको ३६ घण्टापछि भरतपुर वितरण तथा ग्राहक सेवा केन्द्र अन्तर्गत भरतपुर महानगरपालिकाको १ देखि १३ तथा २९ नम्बर वडा र तनहुँको देवघाट क्षेत्रमा विद्युत आपूर्ति भएको छ । आज बिहान १ बजेदेखि विद्युत आपूति सुरु भएको विद्युत प्राधिकरणले जनाएको छ ।

प्राधिकरणका कार्यकारी निर्देशक कुलमान घिसिङले वितरण तथा ग्राहक सेवा निर्देशनालयका उपकार्यकारी निर्देशक मनोज सिलवाललाई ट्रान्सफर्मर बदली गरी अन्य आवश्यक मर्मतको काम सकेर विद्युत सुरु गर्न निर्देशन दिएका थिए । तिहारको समयमा बिजुली नबलेपछि सबस्टेसनको अवस्थाबारे आफै अनुगमनमा घिसिङ पुगेका थिए।