- १५ भाद्र २०८३, सोमबार / Aug 31, 2026
काठमाडौं । स्थानीय तह २०८९ को निर्वाचन सम्पन्न भएपछि चन्द्रागिरी नगरपालिकामा नयाँ जनप्रतिनिधिले पदवहाली गरेका छन् । पदवहाली गरेसंगै यहाँ नयाँले शपथ र पुराना जनप्रतिनिधिको फेरिभेटौंला (विदाई) कार्यक्रम सम्पन्न भएको छ ।
हालै सम्पन्न निर्वाचनमा मेयरमा पुनः काँग्रेसका घनश्याम गिरी विजयी भएका छन् । काँग्रेसको तर्फबाट उम्मेदवार बनेका गिरीले १५ हजार ४ सय ७५ मतका साथ विजयी भएका हुन् । उनका प्रतिद्वन्द्वी एमालेका उत्तम बहादुर राउतले १४ हजार ६ सय ५१ मत प्राप्त गरे ।
२०७४ को स्थानिय निर्वाचनमा पनि गिरी चन्दागिरीको मेयरमै निर्वाचित भएका थिए । उपमेयरमा भने वसन्ती श्रेष्ठ विजयी भएकी छन् । एमालेको तर्फबाट उम्मेदवार भएकी श्रेष्ठले १४ हजार २ सय ३४ मतका साथ विजयी भएकी हुन् ।
उनका निकटतम प्रतिद्वन्द्वी राष्ट्रिय जनमोर्चाका रोसन दानीले ४ हजार १ सय ९१ मत प्राप्त गरेका छन् । शपथ तथा निवर्तमान जनप्रतिनिधिको फेरि भेटौला कार्यक्रममा सवैले सहकार्य गरेर समृद्ध चन्द्रागिरीको सपना साकार पार्ने बताए ।
जित र पराजय भएपनि सबैले जितेको भन्दै नवनिर्वाचित मेयर गिरीले विकास निर्माण, शिक्षा, स्वास्थ्य, कृषि, रोजगारी र सबै कार्यमा सबैको सल्लाहले काम गर्ने बताए ।
तस्वीरमा…
