चीनको नयाँ खोजले अमेरिका हैरान

काठमाडौं । चीनले चन्द्रमामा खनिज पत्ता लगाएको छ । भविष्यमा ऊर्जाको स्रोतको रूपमा प्रयोग गर्न सकिन्छ भनेर यसको थप अध्यन गरिरहेको छ । थप अनुसन्धानका लागि चीनले चन्द्रमामा तीनवटा मिशन पठाउने तयारी गरिरहेको छ ।

बेइजिङ नेशनल स्पेस एडमिनिस्ट्रेशनले आगामी १० वर्षमा चन्द्रमामा तीनवटा परिक्रमा गर्ने स्वीकृति पाएपछि चीनको अन्तरिक्ष दौडमा अमेरिकाले गिद्धेनजर लगाएको छ । तीव्र गतिमा अध्यन गर्न अमेरिका पनि लागिपरेको छ ।

चीनले उक्त घोषणा गरेको देखेर अमेरिकालाई दबाब परेको छ । ऊर्जाको स्रोतका रूपमा पनि प्रयोग गर्न सकिने भएकाले यो ‘खजाना’भन्दा कम नहुने चीनको अपेक्षा छ ।

सन् २०२० मा चीनको चाङ्गे–५ मिसनमार्फत चन्द्रमाबाट १ हजार ७३१ ग्राम तौल भएका नमूनाहरू पृथ्वीमा ल्याइएको थियो । सो खनिजमा हेलियम–३ पाइएको छ । पछिल्लो समय चीनले अन्तरिक्ष क्षेत्रमा आफ्नो ध्यान बढाएको छ ।

छुट्टै अन्तरिक्ष स्टेशन निर्माण गर्ने, चन्द्रमामा नमूना सङ्कलन गर्न विभिन्न मिसनहरू प्रक्षेपण गर्ने वा मंगल ग्रहमा झुरोङ रोभर पठाउने, चीनले अन्तरिक्षमा नासालाई प्रत्यक्ष चुनौती दिइरहेको छ ।