चीनले नेपालसम्म सामग्री ल्याइदिने

रसुवागढी । कोरोना भाइरसका कारण चीनबाट सामग्री आयात र व्यवस्थापनमा समस्या हुँदै आएपनि अब सहज हुने भएको छ। चिनियाँ पक्षले सामग्री मितेरी पुलमा झार्दै आएकोमा अब नेपालसम्म नै ल्याइदिने भएपछि सहज हुने भएको हो।

नेपालतर्फको खुला स्थानमा सामग्री झार्नका लागि चिनियाँ टोली सहमत भएको छ । नेपाली पक्षले आयातमा भएको समस्या र गोदाममा सामग्री अड्किएको बताएपछि चिनियाँ पक्षले सामग्री आयातमा सहज बनाउने बताएको उनले बताए।

गत साउन ३२ गते आएको पहिरोका कारण अवरुद्ध भएको चीनतर्फको सडक आउँदो शुक्रबारसम्ममा खुल्ने सम्भावना रहेको चिनियाँ अधिकारीले बताएका छन् ।