- ९ आश्विन २०८३, शुक्रबार / Sep 25, 2026
काठमाडौं । जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराई स्थानीय तह निर्वाचनमा गृह जिल्ला गोरखामा केन्द्रित भएका छन् । बिहानैदेखि उनी पालुङटार नगरपालिकाको वडा नम्बर–६ मा घरदैलो अभियानमा जुटेका छन् ।
भट्टराईले भने, ‘जसपा दलित नेता लालबहादुर विकको घरमा बिहानको चियापान गरेर पालुङटार –६ को घरदैलो अभियानतिर लागियो ।’ ठूलो सभाभन्दा गाउँ टोलका अन्तरक्रियात्मक भेटघाट बढी रोचक र उपयोगी लागेको पनि बताएका छन् ।
पार्टी अध्यक्ष उपेन्द्र यादव पनि गृह जिल्ला मोरङसहित मधेस प्रदेशका जिल्लाको चुनावी अभियानमा छन् । जसपा अध्यक्ष यादव र संघीय परिषद् अध्यक्ष भट्टराई सत्ता गठबन्धनको संयुक्त चुनावी सभामा सहभागी भएका छैनन् । जसपा पाँच दलीय गठबन्धनको एउटा घटक हो।
