- २९ श्रावण २०८३, शुक्रबार / Aug 14, 2026
काठमाडौं । काठमाडौंको ढुंगेअड्डामा विष्फोटक पदार्थ बम जस्तै देखिने शंकास्पद वस्तु फेला परेपछि अहिले सेनाको बम डिस्पोजल टोली घटना स्थलमा पुगेको छ ।
कालिका पेट्रोल पम्प नजिक उक्त वस्तु भेटिएको स्थानीयले खबर गरपछि टोली घटना स्थल पुगेको हो । सेनाको बम डिस्पोजल टोलीले अनुसन्धान गरी उक्त वस्तु निष्कृय पार्न लागेको महानरीय प्रहरी परिसर काठमाडौले जनाएको छ ।
यो रुटमा चल्ने साना तथा ठूला गाडी चल्न दिइएको छैन भने नागढुङ्गातर्फ जाने सबै गाडीलाई कलङ्कीमा र नागढुङ्गा हुँदै काठमाण्डौ आउने गाडीलेलाई उतै रोकिएको प्रहरीले बताएको छ।
काठमाण्डौको मुख्य नाका भएकाले कलङ्की ढुङ्गेअड्डाको रुट हुँदै दैनिक हजारौँ गाडी यही मार्गबाट ओहोरदोहोर गर्छन्। बिहानैदेखि यो नाकामा सुरक्षा चेकजाँचलाई कडाइ पारिएको प्रहरीले जनाएको छ।
