- १५ श्रावण २०८३, शुक्रबार / Jul 31, 2026
काठमाडौँ । प्रतिनिधिसभा विघटनपछि विभाजन नेकपा विवाद उत्कर्षमा पुगेको छ । दाहाल–नेपाल समूहले आज सरकारविरूद्ध दोस्रो चरणको आन्दोलन घोषणा गर्दैछ ।
प्रवक्ता नारायणकाजी श्रेष्ठ नेतृत्वको समितिले अपराह्न ३ बजे पत्रकार सम्मेलनमार्फत दोस्रो चरणको कार्यक्रम घोषणा गर्ने जानकारी दिए । प्रधानमन्त्री केपी शर्मा ओलीले पार्टीको आन्तरिक द्वन्द्वको सजाय जनप्रतिनिधिको थलो प्रतिनिधिसभालाई बनाएर असंवैधानिक काम गरेको दाहाल–नेपाल समूह रूष्ट भएको छ ।
सो कदमको अरू दलले पनि विरोध गरेका छन् । संसद विघटनसँगै नेकपा विभाजित भएको छ भने, वैधानिकतालाई लिएर दुवै पक्ष निर्वाचन आयोगमा पुगेका छन् ।
