दाहालको निधनप्रति प्रधानमन्त्री देउवाले गरे दुःख व्यक्त

काठमाडौ। नेपाली कांग्रेसका सभापति शेरबहादुर देउवाले ओखलढुङ्गाका महासमिति सदस्य मित्रसेन दाहालको निधनप्रति दुःख व्यक्त गरेका छन् । २०७७ फागुन ७ गते बिहान काठमाडौं ओम अस्पतालमा उपचारका क्रममा हृदयघातबाट दाहालको निधन भएको हो ।

स्व दाहालले पार्टी र नेपालको लोकतान्त्रिक आन्दोलनमा निर्वाह गरेको भूमिकाको स्मरण गर्दै देउवाले शोक विज्ञप्तिमार्फत आत्माको चिरशान्तिको कामना गरेका छन् । विसं २०४२ को सत्याग्रह र लोकतान्त्रिक आन्दोलनका क्रममा पटक–पटक गरी डेढ वर्ष जेल जीवनसमेत व्यतीत गरेको स्मरण गरेको छ ।

राजनीतिक क्षेत्रका साथै लामो समयदेखि दर्जनौँ सरकारी तथा गैरसरकारी, व्यावसायिक, सामाजिक, शैक्षिक र विविध सङ्घसंस्थामा संलग्न रहँदै आएका दाहालले कांग्रेसको सङ्गठन निर्माण र नेपालको लोकतान्त्रिक आन्दोलनमा सक्रिय भूमिका निर्वाह गरेका थिए । दाहालको श्रीमती, दुई छोरा र एक छोरी छन् ।