- १ कार्तिक २०८३, आईतवार / Oct 18, 2026
बुटवल । दीर्घरोगका बिरामिको आजदेखि कोरोना परीक्षण निःशुल्क गर्ने बुटवल उपमहानगरपालिकाले जनाएको छ ।
नेपाल सरकारबाट तोकिएका क्यान्सर, मृगौलाको डायलाइसिस गर्नुपर्ने बिरामी, मुटु रोग, पार्किन्सन्स, अल्जाइमर, स्पाइनल इन्जुरी र सिकलसेल एनिमियाबाट पीडित बिरामीको निःशुल्क पिसीआर परीक्षण गर्ने निर्णय गरिएको नगर प्रमुख शिवराज सुवेदीले बताए ।
उपमहानगरपालिकाले यस खालको सुविधा नगरवासीलाई प्रदान गर्ने निर्णय गरेको सुवेदीले बताए । आफु बसोवास गर्दै आएको वडा कार्यालयको सिफारिस र रोगको उपचारका अन्य आवश्यक कागजातसहित आउनुपर्ने व्यवस्था गरिएको छ ।
