देशभर कोरोना खोप संचालन, खोप लगाएपछि सुरक्षित रहेको भक्तपुर अस्पतालकी मेसु डा. गौतमको भनाइ (भिडियाेसहित)

भक्तपुर । आज देखि देशभर कोरोना विरुद्धको खोप अभियान संचालन भएको छ । कोभिसिल्ड खोप संचालन भएसंगै पहिलो चरणमा देशभरका स्वास्थ्यकर्मीले खोप लगाएका छन् ।

यता बागमती प्रदेशका १३ वटै जिल्लामा एकैसाथ कोरोनाविरुद्धको खोप अभियान सुरु भएसंगै स्वास्थ्यकर्मीले उत्साहका साथ खोपमा सहभागि भएका छन् । खोप केन्द्रमा बाक्लो भिडलागेको छ । यता भक्तपुर खोप केन्द्रमा पनि स्वास्थ्यकर्मीको भिड निकै देख्न सकिन्छ छ । खोप लगाउन डराउने भन्दा पनि खोप लगाउन आतुर छन् स्वास्थ्यकर्मीहरु ।

फ्रन्टलाइनमा खोप लगाइसकेपछि छिटै जनस्तरमा पनि कोरोनाविरुद्धको खोप लगाएर कोरोना मुक्तको लडाइँ जिताउन सवै लाग्नु पर्ने उनीहरुको भनाईछ । विश्वका धेरै मुलुकमा भन्दा पहिले नेपालमा भ्याक्सिन ल्याएर लगाएकोमा स्वास्थ्यकर्मी अति खुसी भएका छन् । बागमती प्रदेशका १३ जिल्लाका ३५ खोप केन्द्रमध्य भक्तपुर अस्पताल केन्द्रमा कोरोना भाइरसविरुद्धको खोप लगाइसकेपछि अस्पतालकी मेसु डा. सुमित्रा गौतमले आफ्नो अनुभव साँट्दै कोही डराउन नपर्ने बताइन् ।

कोभिसिल्ड खोप लगाएको ३ घण्टा वितिसक्दा पनि कुनै साइडइफेक्ट नदेखिएको उनको भनाइ छ । खोप कार्डसहित समूह विभाजन गरी खोपकेन्द्र व्यवस्थित गरिएको छ । पहिलो चरणमा स्वास्थ्यकर्मी, एम्बुलेन्स तथा शव बाहनका चालक, सहचालक, फोहोर संकलक, उपचार सेवा दिने वा खोप व्यवस्थापनमा खटिने स्वास्थ्यकर्मी, सुरक्षाकर्मी, स्वयंसेवकलाई खोप दिइएको छ ।

भिडियाे हेर्न क्लिक गर्नुहाेस्…

खोप लगाईसकेपछि अहिलेसम्म कुनै प्रतिअसर नदेखिएको स्वास्थ्यकर्मीको भनाई छ । खोप केन्द्रमा भिड र खोप लगाउनेहरुको संख्या अधिक भएपछि केन्द्र थपघट हुनसक्ने डा. गौतमको भनाई छ । बामगती प्रदेशको चितवन, ललितपुरमा ३–३ वटा केन्द्रबाट खोप संचालन गरिएको छ । सिन्धुली, धादिङ, काभ्रे, नुवाकोट, रामेछाप, दोलखामा २–२ वटा केन्द्रबाट, मकवानपुर र रसुवा जिल्लामा एक–एक वटा केन्द्रबाट कोभिडविरुद्धको खोप लगाइएको छ ।

भक्तपुर अस्पताल खोप केन्द्रमा आइसियु सेवा नजिकै भएकाले कुनै असर देखापरेमा तुरुन्त चिकित्सकिए टोलीको पनि व्यवस्था गरिएको छ । बागमती प्रदेशमा बुधबारसम्म कोरोनाको कारण ४४ जना आईसियुमा, १३ जना भेन्टिलेटरमा र ५७ जना गम्भिर अवस्थाका विरामी उपचाररत छन् । बागमती प्रदेशमा अहिलेसम्म ९८ प्रतिशत संक्रमितहरुले सफल उपचार पाइइसकेको छन् भने प्रदेशमा ९ सय ८६ जना कोरोना संक्रमितहरुको मृत्यु भएको छ ।