धान, चामल र चिनी आपूर्तिका लागि भारतलाई पत्र

काठमाडौं । नेपालले भारत सरकारलाई खाद्यान्न आपूर्तिका लागि पत्र पठाएको छ । नेपाल सरकारले एक लाख ५५ हजार टन खाद्यान्न आपूर्तितका लागि भारता सरकारलाई पत्र पठाएको हो ।
भारत सरकारबाट पत्रको जवाफ भने आएको छैन ।

भारत सरकारले चामल निर्यातमा लगाइएको प्रतिबन्ध नेपालका लागि नभएको भने पनि नेपाली बजारमा भारतीय निर्णयको प्रभाव परिरहेको जनाएको छ । खाद्य व्यवस्था तथा व्यापार कम्पनीसँग न्यूनतम ३ लाख क्विन्टल खाद्यान्न मौज्दात हुनु पर्नेमा अहिले ९५ हजार क्विन्टल मात्रै रहेको बुझिएको छ । कम्पनीसँग हाल गहुँको भण्डारण शून्यमा रहेको जनाएको छ ।

भारतले बासमती बाहेक अन्य चामलको निर्यातमा प्रतिबन्ध लगाएपछि नेपाली बजारमा चामलको मूल्य बढ्नुका साथै आपूर्ति प्रभावित हुन थालेपछि भारतलाई पत्राचार गरिएको हो । वाणिज्य तथा आपूर्तिमन्त्री रमेश रिजालले धान, चामल र चिनी खरिदका लागि भारतीय दूतावास मार्फत पत्र पठाइएको जानकारी दिए । पत्रमा एक लाख टन चामल, ५० हजार टन चिनी र ५ हजार टन धान आपूर्ति गरिदिन आग्रह गरिएको छ ।