- १० जेष्ठ २०८३, आईतवार / May 24, 2026
काठमाडौं । नवौं राष्ट्रिय खेलकुद प्रतियोगिताको पदक तालिकामा विभागीय टिम त्रिभुवन आर्मी क्लबले अग्रता कायम राखेको छ । गण्डकी प्रदेशको पोखरामा जारी नवौं राष्ट्रिय खेलकुदको पाँचौं दिनसम्म आर्मीले ८८ स्वर्ण पदक जित्दै पदक तालिकामा अग्रता कायम राखेको हो ।
आर्मीले ५८ रजत र ३९ कास्यसहित कुल १८५ पदक जितेको छ। दोस्रो स्थानमा नेपाल पुलिस क्लबले ३७ स्वर्ण, ३१ रजत र ४० कास्य पदक सहित १०८ पदक जितेको छ।
त्यस्तै अर्को विभागीय टिम एपीएफले ३१ स्वर्ण, ३४ रजत र ५५ कास्य पदक सहित कुल १२० पदक हात पारेको छ। गण्डकी प्रदेशले १६ स्वर्ण १५ रजत र ३० कास्यसहित ६१ पदक जितेको छ । त्यस्तै बागमती प्रदेशले १५ स्वर्ण, २८ रजत र ३१ कास्य सहित कुल ७४ पदक जितेको छ ।
सुदूरपश्चिम प्रदेशले ८ स्वर्ण, ४ रजत, २० कास्य सहित ३२ पदक, एनआरएनएले ७ स्वर्ण, ७ रजत ४ कास्य सहित १८ पदक, मधेश प्रदेशले ५ स्वर्ण, ७ रजत र ११९ कास्य पदक सहित ३१ पदक, प्रदेश १ ले ३ स्वर्ण १६ रजत र ३२ कास्य सहित ४९ पदक जितेका छन् ।
लुम्बिनी प्रदेशले ३ स्वर्ण, १२ रजत र २२ कास्य सहित ३७ र कर्णाली प्रदेशले १ स्वर्ण, २ रजत, ७ कास्य पदक सहित ६ पदक हात पारेको छ। असोज २८ बाट औपचारिक उद्घाटन भएको खेलको भोलि समापन हुनेछ।
प्रतियोगितामा सातवटा प्रदेशसहित नेपाली सेना, नेपाल प्रहरी र सशस्त्र प्रहरी गरी तीन विभागीय र एक गैर आवासीय नेपाली सङ्घ (एनआरएन) गरी कुल ११ टोली सहभागी छन् । ४ सय ४ स्वर्ण, रजत पदक र त्यसभन्दा दोब्बर बढी कास्य पदकका लागि प्रतिस्पर्धा भइरहेको छ।
