- २९ श्रावण २०८३, शुक्रबार / Aug 14, 2026
निजी कलेजको पक्षमा उभियो संसदीय समिति, जसको मापदण्ड नै पुगेको छै
काठमाडौं । मापदण्ड नै नपुगेका कलेजहरुलाई नर्सिङ कार्यक्रम सञ्चालन गर्न दिन संसदीय समितिले
सुटुक्क शिक्षा मन्त्रालयलाई पत्राचार गरेको छ ।
प्रतिनिधिसभाको शिक्षा, स्वास्थ्य तथा सूचना प्रविधि समितिले २ माघमा शिक्षामन्त्रीलाई सम्बोधन गरेर पत्र पठाएको हो । जसमा चिकित्सा शिक्षा ऐन अनुसार मापदण्ड नै नपुगेका कलेजमा नर्सिङ कार्यक्रम सञ्चालन गर्न दिन निर्देशन दिइएको छ ।
प्राविधिक शिक्षा तथा व्यवसायिक तालिम परिषदको सम्बन्धन तथा गुणस्तर सम्बन्धमा अध्ययन गर्न गठित उपसमितिको प्रतिवेदनमाथि २५ पुसको बैठकमा छलफल भएर भएको निर्णय भनेर ५ वटा बुँदा राखिएको छ ।
चिकित्सा शिक्षा ऐनमा नर्सिङ कलेज सञ्चालन गर्न १०० शैय्याको आफ्नै अस्पताल हुनुपर्ने मापदण्ड छ । फागुन २०७५ देखि लागू भएको ऐनको दफा ४४ १ मा भनिएको छ, ‘‘आफ्नो अस्पताल सञ्चालन नभए पनि शैक्षिक कार्यक्रम सञ्चालन गरेका शिक्षण संस्थाले यो ऐन प्रारम्भ भएको २ वर्षभित्र स्वास्थ्य मन्त्रालयले तोकेको मापदण्ड अनुसार अस्पताल सञ्चालन गर्नुपर्ने हुन्छ ।’
चिकित्सा शिक्षा आयोगले ऐनअनुसार २०७७ फागुनसम्म आफ्नै अस्पताल सञ्चालन गरेका र सबै मापदण्ड पूरा भएकाहरुलाई शैक्षिक कार्यक्रम सञ्चालन गर्न दिने निर्णय गर्यो । मापदण्ड पूरा नभएका कलेजको कारण ६६ वटा कलेजमा नर्सिङ कार्यक्रम बन्द भएको छ ।
