निषेधाज्ञा अवज्ञा गर्नेलाई कैद सजाए

बुटवल । संक्रामक रोग ऐन २०२० को दफा ३ को उपदफा २ बमोजिम रुपन्देहीमा निषेधाज्ञा अवज्ञा गर्ने ८ जनालाई कैद सजाए गरिएको छ । डिउटीमा रहेको प्रहरी टोलीलाई बाधा अबरोध पुर्‍याएपछि उनीहरूलाई नियन्त्रणमा लिइएको जिल्ला प्रहरी कार्यालय रुपन्देहीले जनाएको छ । जिल्ला प्रशासन कार्यालय रुपन्देहीबाट जारी भएको निषेधाज्ञाको अवज्ञा गर्ने ८ जनालाई कारबाही गरिएको हो ।

निषेधाज्ञाको अवज्ञा गर्ने एक हजार २० वटा सवारी साधन नियन्त्रणमा लिइएको छ । प्रहरीका अनुसार नियन्त्रणमा लियएका सवारी साधन मध्ये धेरै मोटरसाइकल रहेका छन । ७ सय १० मोटरसाइकल, सार्वजनिक सवारी साधन ५०, नीजि सवारी साधन १०, मालवाहक सवारी साधन १ सय ८० र साइकल ७० वटा रहेका छन । त्यस्तै २ सय जना पैदलयात्रीलाई समेत होल्ड गरी सम्झाई बुझाइ छाडिएको छ ।

कारबाही गरिएका ८ जनामध्य ७ जना पुरुषहरूलाई एक महिना कैद वा सो बराबरको जरिवाना अनुरुप जनही रु ९ हजार १ सय र १ जना महिलालाई जरिवाना बापत रु ६ सय जरिवाना तोकिएको थियो । ती मध्ये ५ जनाहरूलाई कैद र जरिवाना वापतको रकम दाखिला गराई छाडिएको र अन्य ३ जना कारागार चलान भएका छन् । एक महिना कैद वा सो बराबरको जरिवाना अनुरुप को रकम तिर्न नसकेपछि कारागार चलान भएको प्रहरीले जनाएको छ ।