- ११ कार्तिक २०८३, बुधबार / Oct 28, 2026
१४ असार २०७७ कैलाली । नेत्रविक्रम चन्द विप्लव नेतृत्वको नेपाल कम्युनिस्ट पार्टीका ६ जना नेता–कार्यकर्तालाई धनगढीबाट प्रहरीले पक्राउ गरेको छ । धनगढी उपमहानगरपालिका– १२, जुगेडा क्षेत्रबाट उनीहरूलाई जिल्ला प्रहरी कार्यालयको टोलीले पक्राउ गरेको हो ।
बैठक बसिरहेका बेला उनीहरूलाई पक्राउ गरिएको कैलालीका प्रमुख प्रहरी उपरीक्षक अनुपमशमशेर जबराले बताए ।
पार्टीका कैलाली जिल्ला जनसरकार प्रमुख दलबहादुर विक, धनगढी नगर इन्चार्ज प्रकाश रावल, सदस्यहरू डम्बर सुनार, लक्की शाह, अखिल क्रान्तिकारीका केन्द्रीय सदस्य बबरजंग सिंह र जिल्ला अध्यक्ष सुवास जोशी पक्राउ परेको जबराले बताए ।
नेकपाले भने विनासर्त रिहा गर्न अनुरोध गरेको छ । शान्तिपूर्ण बसिरहेका बेला धरपकड गर्नु सरकारको निकम्मापन भएको सो पार्टीले जिकिर गरेको छ ।
