- ८ श्रावण २०८३, शुक्रबार / Jul 24, 2026
भक्तपुर । मध्यपुरथिमी नगरपालिकामा भएको राष्ट्रव्यापी खुला रेपिड चेस प्रतियोगितामा तीन पटक नेपाल च्याम्पियन बनेका वद्रीलाल नेपालीलाई हराउँंदै ताप्लेजुङ्गका हरि सुव्वा विजयी भएका छन् । आठ अंकका साथ हरि विजयी भएका हुन ।
नेपाल क्रान्तिकारी युवा संघ मध्यपुर थिमि नगर समितिको आयोजनामा भएको प्रतियोगितामा सुव्वा विजयी भएसंगै चर्चा चल्न थालेको छ । प्रतियोगितामा देशभरबाट १७५ जना चेस खेलाडीको सहभागिता रहेको थियो ।
यस प्रतियोगितामा अन्तराष्ट्रिय च्याम्पियनको पनि सहभागिता रहेको थियो । विजयी खेलाडीलाई मेडल तथा प्रमाण पत्र र नगदसहित नेपाल मजदुर किसान पार्टीका सचिव एवं संघीय सांसद प्रेम सुवालले पुरस्कार तथा प्रमाणपत्र वितरण गरेका थिए ।
कार्यक्रममा नेक्रायुसंघका मिनबहादुर बाटा, नेमकिपाका रमेश वैद्य, चिफ आर्विटर राजकुमार लघु, नेपाल चेस संघका अन्तराष्ट्रिय आर्विटर निरञ्जन प्रजापति, एक्टिभ इ स्कुलका निर्देशक आशाहरी प्रजापति, मध्यपुर चेस एसोशियसनका उपाध्यक्ष श्याम गोजालगायतको उपस्थिति रहेको थियो ।
