- ३० भाद्र २०८३, मंगलवार / Sep 15, 2026
काठमाडौं । आज नेपाली टोपी दिवस देशभर भव्य रुपमा मनाइँदैछ। देश तथा विदेशमा बसेका नेपालीहरुले टोपी लगाएर विशेष रुपमा मनाउँदै छन् ।
पश्चिमा संस्कृतिको प्रभाव नेपालमा बढ्दै गएको भन्दै केही युवाहरूले २०७० सालदेखि टोपी दिवस मनाउन थालेका हुन् । राष्ट्रिय पोशाक संरक्षण महाअभियान नेपाल, स्वतन्त्र राष्ट्रप्रेमी अभियान नेपाल, जागरुक युवा अभियान नेपाल,
गुन्युचोली राष्ट्रिय जागरण अभियान नेपाल र राष्ट्रिय धरोहर संरक्षण महाअभियान नेपाल लगायतका संघसंस्थाले राजधानीको माइतीघरमा भेला भएर यो दिवस मनाउने गरेका छन् ।
अन्तर्राष्ट्रिय रुपमा नेपालीपनको प्रवर्द्धन गर्ने र देशभित्र पनि आफ्नो संस्कृतिको प्रवर्द्धन र प्रसार गर्न मद्दत पुर्याउने उद्देश्यले टोपी दिवस मनाउन थालिएको सरोकारवालाले बताएका छन् ।
