पहिरोले पृथ्वी राजमार्ग अवरुद्ध

काठमाडौं । पहिरोले पृथ्वी राजमार्ग अवरुद्ध भएको छ । चितवनको इच्छाकामना गाउँपालिका–४ घोप्टे भीरमा पहिरो जाँदा पृथ्वी राजमार्ग अवरुद्ध भएको हो ।

मध्य रातमा गएको पहिरोले दुई तर्फी नै सडक अवरुद्ध भएको हो । बिहान ५ बजेबाट पहिरो पन्छाउन थालिएपनि सडक सञ्चालनमा आउन दिउसो ३ बजे पछि नै समय लाग्ने जिल्ला ट्राफिक प्रहरी कार्यालय चितवनले जनाएको छ ।

सडक अवरुद्ध भएपछि यात्रु अप्ठ्यारोमा परेका छन् भने जाममा परेका सवारी साधन लाइनमा बसेका छन् ।