पाकिस्तानी पूर्व प्रधानमन्त्री इमरान खानमाथि पाँच वर्षे प्रतिबन्ध, संसदबाट समेत बर्खास्त

एजेन्सी । पाकिस्तानको निर्वाचन आयोगले पुर्व प्रधानमन्त्री इमरान खानलाई सार्वजनिक पदमा बस्न पाँच वर्षसम्म रोक लगाइएको छ । आसन्न चुनाव लड्न नपाउने गरी आगामी पाँच वर्षसम्म कुनै पदमा रहन नपाउने गरी रोक लगाएसंगै सांसद समेत खारेज भएको छ ।

अदालतको उक्त आदेशलाई चुनौती दिँदै खानका कानून व्यवसायीहरूले उच्च अदालतमा पुनरावेदन दायर गरेका छन् जसको सुनुवाई बुधबार हुने भएको छ । गत वर्षको अप्रिलमा सदनमा विश्वासको मत नपाएपछि प्रधानमन्त्री पटबाट हटेका खानमाथि दुई सयभन्दा बढी मुद्दा लगाइएको छ ।

पञ्जाब प्रान्तको एटक शहरमा रहेको कारागारमा राखिएका खान भ्रष्टाचारको आरोपमा ३ वर्षको जेल सजाय भोगि रहेका छन् । खानले आफूमाथि राजनैतिक प्रेरित षडयन्त्र भएको आरोप लगाइरहेकै बेला सांसद पदबाट समेत बर्खास्त गरिएको छ ।

सन् २०१८ मा राजनितीमा प्रवेश गरेका ७० वर्षीय खानलाई पदमा रहँदा विदेशीले दिएको उपहार बिक्री गरी रकम हिनामिना गरेको आरोपमा ३ वर्षको जेल सजायँ तोकेपछी जेल चलान गरिएको हो ।