- ४ कार्तिक २०८३, बुधबार / Oct 21, 2026
२७ जेठ २०७७ काठमाडौं । भ्रष्टाचार बढेको, संभावित संक्रमितहरुलाई पीसीआर परीक्षण नगरेको, काेराेना महामारी नियन्त्रणमा सरकारले प्रभावकारी काम गर्न नसकेको भन्दै युवाहरूकाे टीमले बालुवाटारमा प्रदर्शन गरेको छ ।
नागरिकको स्वास्थ्यमाथि खेलवाड गरेकाे भन्दै नारा जुलुस गर्दा प्रहरीले पानीको फोहोरा र लाठी प्नहार गरेकाे छ । प्रतिबन्धित क्षेत्रमा प्रदर्शन गरेकाले पानीको फोहोरा हानेकाे महानगरीय प्रहरी परिसरका डिएसपी राजकुमार केसीले बताए ।
आरडीटी किटबाट भइरहेको परीक्षण बन्द गर्न, पीसीआर प्रविधिबाट परीक्षण गर्न लगायतका माग युवाहरूले परिक्षण नगरी कोरोना संक्रमितलाई समेत घर पठाउने गरेकाेले प्रदर्शनमा उत्रनु परेकाे बताएका छन् । यस्ताे अवस्थामा पनि सरकारले १० अर्ब रुपैयाँ खर्च गरेको भन्ने कुराकाे हिसाब दिनु पर्ने माग समेत गरेका छन् ।
