प्रचण्डले आज १० प्रदेश सम्मेलनको उद्घाटन गर्दै

काठमाडौं । नेकपा (माओवादी केन्द्र) को सात भौगोलिक र तीन गैर भौगोलिक गरी १० प्रदेशमा सम्मेलन हुन लागेको छ । अध्यक्ष पुष्पकमल दाहाल ‘प्रचण्ड’ले आज पार्टीको प्रदेश सम्मेलनको दिउँसो १ बजे भर्चुअल माध्यमबाट एकैपटक उद्घाटन गर्दैछन् ।

प्रदेश नं १ को विराटनगर, प्रदेश नं २ को जनकपुर, बागमतीको काठमाडौं, गण्डकीको पोखरा, लुम्बिनीको भालुवाङ, कर्णालीको सुर्खेत र सुदूरपश्चिम प्रदेशको धनगढीमा सम्मेलन आयोजना गरिएको छ ।

माओवादी केन्द्रले सात भौगोलिकसहित उपत्यका विशेष, सम्पर्क समन्वय र प्रवास प्रदेश समिति समेत गठन गरेको छ। आगामी पुस ११ देखि १३ गतेसम्म माओवादी केन्द्रको राष्ट्रिय सम्मेलन काठमाडौंमा हुँदैछ।