बुलिङटारमा बस दुर्घटना ५ जनाको मृत्यु

चितवन । पाल्पाबाट गोरखाको मनकामना दर्शनका लागि गुडेको बस नवलपुरमा दुर्घटना हुँदा ५ जनाको मृत्यु भएको छ ।

दुर्घटना परि २५ जना घाइते भएका छन् ।

मनकामना दर्शनका लागि जान आउँदै गरेको ना ६ ख ७५८० नम्बरको बस नवलपुरको बुलिङटार गाउँपालिका वडा नं. २ मथारमा दुर्घटना भएको बुलिङटार प्रहरीले जनाएको छ ।

मृत्यु हुनेमा तीन जना महिला र दुई जना पुरुष रहेको प्रहरीले जनाएको छ ।

बिहान ४ बजे भएको दुर्घटनाका घाइतेहरूलाई उद्धार गरी चितवन ल्याउने तयारी भइरहेको छ । घटनाका सम्बन्धमा थप विवरण आउन बाँकी छ ।