भारतमा अमेरिकी र रूसी विदेशमन्त्रीको भेट

एजेन्सी । रुसी विदेशमन्त्री सर्गेइ लाभारोभ र अमेरिकी विदेशमन्त्री एन्टोनी ब्लिंकेन बीच नयाँ दिल्लीमा भेट भएको छ । दिल्ली आएका दुई विदेशमन्त्रीबीच बैठकको उद्घाटन समारोहपछि साइडलाइमा भेट भएको हो ।

जी–२० राष्ट्रका विदेशमन्त्रीहरुको बैठकमा भाग लिन दिल्ली आएका वेला ब्लिंकेन र लाभारोभबीच १० मिनेट कुराकानी भएको हो । ब्लिंकेनसँगको भेटलाई रुसले भने अकस्मात हिंड्दा हिड्दैको भेट भन्दै नजर अन्दाज गरेको छ । भेटपछि अमेकिरी विदेशमन्त्री ब्लिंकेनले रुसी समकक्षी लाभारोभलाई युक्रेन युद्ध तत्काल अन्त्य गर्न आग्रह गरे ।

लाभारोभले कुनै जवाफ नदिएको बताइएको छ । रुसले युक्रेनमा आक्रमण गरेपछिको १ वर्षको अवधिमा अमेरिकी विदेशमन्त्री र रुसी विदेशमन्त्रीबीच पहिलो पटक भेट भएको हो ।