- २८ जेष्ठ २०८३, बिहीबार / Jun 11, 2026
भैरहवा । सीमावर्ती भारतीय गाउँमा नेपाली युवा मृत भेटिएका छन् । रोहिणी गाउँपालिका–२ बस्ने २६ वर्षीय रविकुमार यादव मृत फेला परेका हुन् ।
हात बाँधिएको र शरीरमा चोटपटक लागेको अवस्थामा यादवको शव भेटिएको हो । अतिविपन्न अवस्थाका यादव घर नजिकैको सीमा क्षेत्रमा आउजाउ गरिरहने स्थानीयवासीले बताए ।
यसै क्रममा उनी बुधबार बिहान भारत महाराजगञ्ज जिल्लाको भगवानपुर बजार पुगेका थिए ।
त्यहाँ एक जनाको घरमा पसेपछि भारतीयले यादवको हात बाँधेर कुटपिट गरेको बुझिएको रोहिणी गाउँपालिका–७ का राजन यादवले बताए ।
मृतक यादवको शव भारतीय प्रहरीले परीक्षण गरेको छ । घटना जानकारीमा आएको र यसबारे अनुसन्धान भइरहेको रूपन्देही प्रहरीले जनाएको छ ।
