महामारीविरुद्ध लड्न नेपाललाई ३६ करोड रुपैयाँ अनुदान

१७ असार २०७७ काठमाडौं । कोरोना महामारीविरुद्ध लड्न एडीबीले नेपाललाई ३६ करोड रुपैयाँ अनुदान उपलब्ध गराउने भएको छ । एशिया–प्रशान्त विपद् प्रतिकार्य कोषबाट उक्त रकम उपलब्ध गराउने स्वीकृति भएको सरकारले जनाइएको छ ।

उक्त रकम सीमाक्षेत्रस्थित क्वारेन्टिनको सुधार तथा प्रभावकारी व्यवस्थापन, प्रयोगशाला र चिकित्सा उपकरण, औषधि एवं सङ्क्रमण नियन्त्रण सामग्री खरिदका निम्ति प्रदान गरिने बताईएको छ । पहिला पनि एडिबीले तीन करोड ६० लाख रुपैयाँ स्वास्थ्यकर्मी तथा कोरोनाविरुद्ध अग्रपङ्क्तिमा रहेर खटिएकाहरुलाई आपत्कालीन स्वास्थ्य सामग्री खरिद गर्न प्रदान गरेको थियो ।