माओवादी संसदीय दलको नेतामा प्रचण्ड निर्विरोध हुने

काठमाडौं । नेकपा माओवादी केन्द्रको संसदीय दलको नेतामा अध्यक्ष पुष्पकमल दाहाल प्रचण्ड निर्विरोध हुने स्रोतको दावी छ । माओवादी केन्द्रले संसदीय दलको नेता भने भोली विहिबार चुन्ने भएको छ ।

सांसदहरुको सपथपछि मात्रै नेता चुन्ने तयारी माओवादी केन्द्रले गरेको थियो । संघिय संसदमा माओवादी केन्द्रबाटे प्रतिनिधित्व गर्ने ३२ सांसद छन् । कांग्रेसबाट सभापति शेर बहादुर देउवा, नेकपा एमालेबाट अध्यक्ष केपी शर्मा ओली, राष्ट्रिय स्वतन्त्र पार्टीबाट रवि लामिछाने,

एकिकृत समाजवादीबाट माधव कुमार नेपाल, राप्रपाबाट राजेन्द्र लिङदेन संसदीय दलको नेता निर्बाचित भएका छन् । कांग्रेसबाहेक अन्य दलका नेता भने निर्विरोध निर्बाचित भएका छन् । माओवादी केन्द्रमा प्रचण्ड बाहेक अन्य नेताले सार्वजनिक दावी गरेका छैनन् ।