- २७ श्रावण २०८३, बुधबार / Aug 12, 2026
रुकुम । भलिबल प्रतियोगिता हेर्न गएकी बालिकालाई आठबीसकोट नगरपालिकाका युवाले बलात्कार गरेको घटना सार्वजनिक भएको छ । जाजरकोट नलगाड नगरपालिका १ की १३ वर्षीया बालिकामाथि बलात्कार भएको हो।
गत बुधबार रूकुम पश्चिमको आठविसकोट नगरपालिका १४ बाँकेज्युलामा उनीमाथि बलात्कार भएको प्रहरीले जनाएको छ । बाँकेज्युलामा आयोजित भलिवल प्रतियोगिता हेर्न गएकी बालिकालाई आठविसकोट नगरपालिका १४ का २६ वर्षीय झलक जैसीले बलात्कार गरेको प्रहरीमा जाहेरी परेपछि घटना बाहिरिएको हो ।
जाहेरी दर्ता भइसके पनि अभियुक्त जैसीलाई भने प्रहरीले फेला पार्न सकेको छैन । बालिकालाई आठविसकोट नगर अस्पतालमा सामान्य उपचार गरेर थप उपचारका लागि बिहीबार नेपालगञ्ज पठाइएको छ।बालिकाको स्वास्थ्य अवस्था गम्भीर रहेको प्रहरीले जनाएको छ। अभियुक्तको खोजी कार्य जारी रहेको प्रहरीको भनाइ छ ।
