शान्ताको हासो: ‘बाँचुला सोचेको थिएन’

काठमाडौं । कोरोना संक्रमण नेगेटिभ आएपछि पुनर्जीवन पाएको नेकपा सचेतक शान्ता चौधरीले बताएकी छन् । १९ असोजमा कोरोना संक्रमण पुष्टि भएकी चौधरी स्वास्थ्य जटिल बन्दै गएपछि २३ असोजमा आईसीयूमा राखेर उपचार गरिएको थियो ।

शुक्रबारको टेष्टमा उनको कोरोना रिपोर्ट नेगेटिभ आएको हो । कोरोना महामारीबाट बाँचुला भन्ने सोचेकै थिएन भन्दै उनले पुनर्जीवन पाएको बताएकी हुन् । १९ दिनको अस्पताल बसाइको अधिकांश समय आइसियूमा छट्पटिनु पर्दाको पीडा उनले सामाजिक संजालमा वर्णन गरेकी छन् । ‘वीर अस्पतालका अति सघन उपचार कक्षको बेडमा बडो मुस्किलले सास फेरिरहँदा आफूलाई एकदम निरीह महसुस गर्थें ।

म हजारौ शुभचिन्तकहरूको भीडमा एक्लो एक्लो महसुस गर्थें । यस्तो अनुभव अधिकांश कोरोना संक्रमितले गर्नुभएकै हुनुपर्छ ।’ चौधरीको रिर्पोट नेगेटिभ आएपनि अस्पतालबाट भने अझै डिस्चार्ज भएकी छैनन् ।