शिवरात्रिमा ट्राफिक रुट यस्तो छ

काठमाण्डौ । शिवरात्रिलाई लक्षित गरि ट्राफिक प्रहरीले यातायातका साधनको व्यवस्थापन गर्न रुट व्यवस्थापन गरेको छ । पशुपतिमा आवश्यक ट्राफिक व्यवस्थापन महानगरीय ट्राफिक प्रहरी महाशाखाले गरेको हो । दर्शनार्थीबाहेक चाबहिल, गौशाला, तिलगङ्गा हुँदै अन्यत्र जाने गाडीलाई वैकल्पिक बाटोको प्रयोग गर्न ट्राफिक प्रहरीले अनुरोध गरेको छ ।

चाबहिल, गौशाला, तिलगङ्गा क्षेत्रमा भिड बढेमा यी रुटमा भक्तजन बाहेकका गाडीलाई वैकल्पिक मार्गबाट सञ्चालनको व्यवस्था मिलाएको गौशाला क्षेत्र आसपासमा छुट्टाछुट्टै ठाउँमा पार्किङ स्थल तोकिएको ट्राफिक प्रहरी महाशाखाले जनाएको छ । चाबहिलबाट गौशालातर्फ, पुरानो बानेश्वरबाट गौशालातर्फ, ज्ञानेश्वर मैतिदेवीबाट रातोपुल हुँदै गौशालातर्फ, सिफल चौरबाट जय बागेश्वरी तर्फको रुटमा चल्ने गाडीलाई वैकल्पिक मार्ग भइ सञ्चालनको व्यवस्था मिलाइएको जनाइएको छ ।