- २२ आश्विन २०८३, बिहीबार / Oct 8, 2026
१७ साउन २०७७ कञ्चनपुर । बेलौरी नगरपालिका–७ भगतपुरमा एक महिलाको हत्या भएको । ती महिलाका श्रीमान आक्रमणबाट घाइते भएका छन् ।
गएराति अज्ञात समूहले ५५ वर्षीय बेलु खातीको हत्या गरेको र उनका श्रीमान ६२ वर्षीय घनश्याम धारिलो हतियार प्रहारबाट गम्भीर घाइते भएको जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक अमरबहादुर थापाले बताए । हत्या गर्नेको खोजिकार्य जारी रहेको उनको भनाइ छ ।
गम्भीर घाइते भएका घनश्यामलाई उपचारका लागि धनगढी पठाइएको छ । प्रहरीका अनुसार घटना खाती परिवारको घरमै मध्यरातमा भएको थियो । हत्यामा संलग्नको पहिचान नभएको र घटनाको अनुसन्धान भइरहेको प्रहरीले जनाएको छ ।प्रहरीले घटनाको सोधपुछका लागि खातीका छोरा राजेश र स्थानीय दिनेश रानालाई नियन्त्रणमा लिएको छ ।
