संवैधानिक परिषदको बैठक बस्दै

काठमाडौँ । प्रधानमन्त्री केपी शर्मा ओलीले आज संवैधानिक परिषदको बैठक डाकेका छन् । प्रधानमन्त्री ओलीले बिहान बालुवाटारमा डाकेको बैठकमा केही संवैधानिक नियुक्ति गर्ने चाल पाएपछि विपक्षीहरूले बैठक रोक्न माग गरेका छन् ।

बैठकमा कांग्रेस सभापति शेरबहादुर देउवा र सभामुख अग्नी सापकोटा नजाने बताएका छन् । परिषद्का सदस्य रहेका प्रधानन्यायाधीश चोलेन्द्र शम्शेर जबरा जानेकी नजाने भन्नेमा अलमलिएको स्रोतको दावी छ ।

मङ्सिर ३० मा अध्यादेशमार्फत गरिएका नियुक्तिकाविरूद्धका मुद्दा प्रधानन्यायाधीश नेतृत्वकै संवैधानिक इजलासमा रहेपछि उनलाई बैठकमा नजान कानूनविदहरूले दबाब दिइरहेको बताइएको छ । सर्वोच्चमा विचाराधिन अवस्थामा रहेकै मुद्दा १७ पटकसम्म स्थगित भइरहँदा प्रधानन्यायाधीश बैठकमा सहभागी हुन नमिल्ने तर्क कानूनविदहरूले गरेका छन् ।