संसद विघटनविरुद्ध सर्वोच्चमा हस्ताक्षरसहित जाँदै विपक्षीदलका नेता

काठमाडौं । सर्वोच्च अदालतमा रिट दायर गर्ने तयारीमा रहेको विपक्षी गठबन्धनले विघटित संसदका सदस्यहरुको हस्ताक्षर संकलन सुरु गरेका छन् ।

कांग्रेसका सभापति शेरबहादुर देउवाको प्रधानमन्त्री दाबीमा हस्ताक्षर गरेका सांसदहरुलाई हस्ताक्षरका लागि सिंहदरबार बोलाइएको थियो ।

सबैको हस्ताक्षर संकलन गरेर संसद विघटनविरुद्ध सर्वोच्च अदालतमा रिट हाल्ने तयारीमा विपक्षी गठबन्धन अघि बडेको छ ।सांसदहरुको छुट्टाछुट्टै हस्ताक्षर संकलन पछि संयुक्त बैठक बसेर सर्वोच्च जाने माओवादी केन्द्रका नेता शक्ति बस्‍नेतले बताए ।