- ६ कार्तिक २०८३, शुक्रबार / Oct 23, 2026
काठमाडौं । सर्वोच्च अदालत भित्रको कोचिङ्गल संविधान कार्यान्वयन ठीक ढंगले भए नभएकोसंग तुलना गर्नु पर्ने नेकपा एमालेका अध्यक्ष केपी शर्मा ओलीले बताएका छन् ।
स्थानीय तहमा एमालेको पालिका अधिवेशन उद्घाटन गर्दै अध्यक्ष ओलीले परमादेश जारी गरेर एमालेलाई सरकारबाट हटाउनुको कारण के रहेछ भन्ने कुरा अहिले न्यायाधीशहरूको विवादले पुष्टी हुन थालेको जिकिर गरे । अदालत पाकिस्तानी शैलीमा परमादेश जारी गरेर सरकार हटाएको जिकिर गर्दै ओलीले सर्वोच्च अदालतको आलोचना गरे ।
उनले भने, ‘संविधानमै नभएका कुरा, दुनियाँमा कही नभएको कुरा, दुनियाँको संविधानमा नभएको कुरा, सरकार बनाउने र हटाउने जस्ता कुरा पाकिस्तानी शैलीमा परमादेशबाट हुन थालेपछि लोकतन्त्र के हुन्छ ? आज सर्वोच्च अदालतमा आफै देखिएको छ तमासा, श्रिमान न्यायाधीशहरु आफै कस्ले के के गरेको थियो भन्न थालेका छन् ।
परमादेश त एक जनाले मात्रै होइन् पाँचै जनाले गर्नु भएको थियो होला, एक जनासँग मात्रै किन राजीनामा मागिरहनु भएको छ ? सर्वोच्च अदालतमा अहिले तमासा देखिएको छ ।’
अदालतलाई मर्यादित, निर्विवाद, विश्वासिलो बनाउनुपर्नेमा जोड दिँदै उनले अदालतमा तमासा नदेखाउन न्यायाधीशहरुलाई सूझाब दिए । परमादेश त पाँचै न्यायाधीशले जारी गर्नुभएको हो नि ? भन्दै ओलीले एकजनाको मात्रै राजीनामा किन माग्नुहुन्छ भनेर उल्टै प्रश्न तेर्साए ।
