- ६ आश्विन २०८३, मंगलवार / Sep 22, 2026
सुर्खेत । प्रदेश राजधानी वीरेन्द्रनगरमा नेपाल युरोपियन युनियन फिल्म फेस्टिभलको आयोजना गरिएको छ । बुधबारदेखि वीरेन्द्रनगरमा उक्त चलचित्र महोत्सव सुरु भएको हो । द डेलिगेसन अफ द युरोपियन युनियन टू नेपालको आयोजनामा महोत्सव ३ दिन चल्ने छ ।
‘सबैका लागि मानवअधिकार उत्सव’ नारा दिइएको उत्सवमा विशेषगरी मान अधिकारसँग सम्बन्धित चलचित्र देखाइदै छ । महोत्सवको पहिलो चरण सुदूरपश्चिम प्रदेशको महेन्द्रनगरमा रहेको सुदूरपश्चिम विश्वविद्यालय वैशाख १५ देखि १७ गतेसम्म भएको थियो ।
दोस्रो चरण फेस्टिभल वैशाख २०, २१ र २२ गते मध्यपश्चिम विश्वविद्यालयको हलमा आयोजना हुने नेपालका लागि युरोपियन युनियनकी राजदूत नोता डेप्रेजले जानकारी दिइन् । मानवअधिकारको विश्वव्यापी घोषणापत्र जारी भएको ७५ वर्ष पुगेको र आम मानिसमा उनीहरूको अधिकारका बारेमा सचेतना अभिवृद्धि गर्ने र सबैको मानवअधिकारको रक्षा गर्न सञ्जाल तथा ऐक्यबद्धता निर्माण गर्ने उद्देश्य रहेको उनको भनाइ छ ।
युरोपका ८ सहित नेपाली चलचित्रहरु महोत्सवमा प्रदर्शन गरिने छ । यस वर्षको नेपाल युरोपियन फिल्म फेस्टीभलको ब्राण्ड एम्ब्यासडरको रुपमा अभिनेत्री मिरुना मगर रहेकी छन् । चलचित्र प्रदर्शन मध्यपश्चिम विश्वविद्यालयको सभाहलमा गरिएको छ ।
