तीन जना स्वयंसेवकबाट क्वारेन्टिनमा बसेकी एक महिला बलात्कृत

३२ जेठ २०७७ कैलाली । कैलालीको लम्कीचुहा नगरपालिका वडा नं १ को क्वारेन्टिमा एक महिला बलात्कृत भएकी छन् । सहिद स्मृती माविको क्वारेन्टिनमा रहेकी ३१ वर्षीय महिलालाई तीन जनाले बलात्कार गरेको खुल्न आएको छ ।

पीडित महिलाले न्यायको माग गर्दै हार गुहार गरेकी छिन् । क्वारेन्टिनमा राखिएका तीन जना स्वंयमसेवकले आफुमाथि बलात्कार गरेको बताएकी छन् ।

शनिबार राती उनीहरुले बलात्कार गरेको भन्दै हारगुहार गरेपछि आरोपीलाई पक्रन ढिला गरेको भन्दै लम्कीचुहा नगरपालिकामा प्रदर्शन भएको छ । प्रदर्शनकारीहरुले वडा नं १ को कार्यालयमा समेत तोडफोड गरेका छन् ।

बलात्कारीलाई हदैसम्मको कारवाहीकाे माग गर्दै उनीहरुले नारावाजी गरेका छन् । बलात्कारी फरार रहेकाे लम्कीका स्थानीयले बताएका छन् ।