- १२ बैशाख २०८३, शनिबार / Apr 25, 2026
काठमाडौ । अन्तर्राष्ट्रिय बक्सिङ महासङ्घ (आइबा)का अध्यक्ष उमर क्रमलेभ आज काठमाडौं पुगेका छन् । अध्यक्ष उमरसहित ६ सदस्सीय टोली नेपाल आएका हुन् ।
उमरको टोलीलाई बक्सिङ सङ्घका अध्यक्ष राम अवाले, वरिष्ठ उपाध्यक्ष अर्जुन केसीलगायतले त्रिभुवन अन्तर्राष्ट्रिय विमानस्थलमा स्वागत गरे ।
नेपाली बक्सिङ खेलाडी बलिया र उत्कृष्ट खेल प्रदर्शन गर्न सक्ने क्षमता भएको उल्लेख गर्दै खेल र खेलाडीलाई आफूले सक्दो सहयोग गर्न नेपाल आएको उमरले बताए ।
तीन दिनका लागि नेपाल भ्रमणमा उमरको टोली आएको बक्सिङ सङ्घले जनाएको छ ।
