आज अन्तर्राष्ट्रिय आप्रवासन दिवस

काठमाडौं । १८ डिसेम्बर अर्थात् २१ औँ अन्तर्राष्ट्रिय आप्रवासन दिवस । आज नेपालमा पनि विभिन्न कार्यक्रम गरी यो दिवस मनाइँदैछ। यो दिवस मनाइरहँदा नेपालबाट रोजगारीका लागि विदेश जानेको संख्या अत्याधिक बढेको छ ।

भारत, म्यानमार, बंगलादेश र अफगानिस्तानबाट नेपाल आउने आप्रवासीको संख्या पनि त्यही अवस्थाको छ । युवाको कारण रेमिट्यान्स बढे पनि असुरक्षित आप्रवासनका कारण धेरै नेपाली युवाले ज्यान गइरहेको तथ्याङ्क छ ।

आप्रवासनका कारण नेपालमा सामाजिक र मानसिक समस्या बढ्दै गएको सरोकारवालाको ठहर छ ।

वैदेशिक रोजगारीलाई कम गर्न सरकारी तथा गैरसरकारी संस्थाले कार्यक्रम ल्याए पनि आप्रवासनका कारण आर्थिक, सामाजिक, मानसिक र मानवीय क्षतिको भने न्यूनीकरण हुन नसके तितो यर्थाथ भोग्न परेको छ ।